Gəncədə ər arvadını bıçaqladı

Gəncədə bıçaqlanma hadisəsi baş verib.

ZaferTv.az APA-ya istinadən bildirir ki, hadisə şəhərin Yeni Gəncə yaşayış massivində qeydə alınıb.

1995-ci il təvəllüdlü Məmmədova Şəhanə Bayram qızı kəsilmiş-deşilmiş bıçaq xəsarəti ilə xəstəxanaya yerləşdirilib. Yaralı dərhal cərrahi əməliyyat olunub, vəziyyətinin normal olduğu bildirilir.

Məlumata görə, qadın həyat yoldaşı tərəfindən bıçaqlanıb. Hadisənin baş verməsi səbəbləri araşdırılır.