Bakının zibilə düşən küçəsi – “Dəfələrlə icra hakimiyyətinə müraciət etmişik” – FOTO

Bakının Xəzər rayonunda Binə atçılıq massivi, Qasım bəy Zakir kücəsi ərazisində sakinlər zibillərini atmağa yeşik tapmırlar. Bu səbəbdən də açıq ərazini zibillik kimi istifadə edilər. Bəzən məişət tullantıları yol boyu səni müşayiət edir. Qutuların olmadığı səbəbindən çox vaxt zibil hara gəldi tullanır. 

ZaferTv.az xəbər verir ki, Milli.Az-a müraciət edən Qasım bəy Zakir kücəsinin sakini Tinayev Natiq Şamil oğlu deyir ki, vəziyyətlə bağlı Xəzər Rayon İcra Hakimiyyətini məlumatlandırıblar: “Oradan bildirdilər ki, zibil qutuları yoxdur”. 

Qısası, sakinlər zibilləri ilə birlikdə yaşamağa məhkum edidiklərini deyirlər. Ş.Tinayev bildirir ki, dəfələrlə Bakıya yeni zibil yeşiklərinin gətirilməsi ilə bağlı xəbərlər verilib. Lakin Xəzər Rayon İcra Hakimiyyəti eyni sözü təkrarlayır, deyir ki, yoxdur. O, küçənin yollarından da gileylənir. Bildirir ki, bir az yağış yağan kimi yollar keçilməz olur və bununla bağlı şikayətləri də, hələ ki, nəticəsizdir.

Milli.Az problemi araşdırmaq məqsədi ilə Xəzər Rayon İcra Hakimiyyəti ilə əlaqə saxlayıb. Özünü İH-nin sosial iqtisadiyyat şöbəsinin baş məsləhətçisi kimi təqdim edən Nəsiman adlı şəxs problemdən xəbərsiz olduğunu deyib:

“Bu problemdən mənim xəbərim yoxdur, birinci dəfədir eşidirəm. Mənzil- kommunal təsərüffat birliyi və qəsəbə nümayəndəliyi ilə əlaqə saxlayıb bu haqda məlumat alacağıq”. 

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support