“Sabah minlərlə adam öləcək, nəzarətdən çıxmış raket…” – Ağ Evdən qorxunc açıqlama

Çinə məxsis “Long March 5b” adlı raketin nəzarətdən çıxması və yerə düşə biləcəyi bir müddətdir ki, dünya mediasının gündəmindədir.

Kosmos üzrə mütəxəssis Conatan Makdovel mövzu ilə əlaqədar açıqlamasında raketin düşəcəyi təqdirdə minlərlə insanın ölə biləcəyini söyləyib. Açıqlamadan sonra Ağ Ev raketin mayın 8-də düşə biləcəyi barədə xəbərdarlıq edib.

Çinin ötən həftələrdə kosmosa göndərdiyi və istiqamətini dəyişən “Long March 5b” raketi ilə bağlı xəbərdarlıq edilmiş və 22 tonluq çəkiyə sahib raketin nəzarətdən çıxdığı, planlaşdırılmayan ərazilərə düşə biləcəyi açıqlanmışdı.

ABŞ Hərbi Hava Qüvvələri Kosmik Komandanlığı raketin izlənildiyini və ən böyüyü 30 metr uzunluğunda olan parçaların yerə düşə biləcəyini bildirib. ABŞ Müdafiə Nazirliyi (Pentaqon) isə şənbə günü raket parçalarının dünyaya düşməsinin gözlənildiyini açıqlayıb.

“The Guardian” qəzeti yazıb ki, parçalar Ekvador yaxınlığında Sakit Okean istiqamətində düşə bilər. Bu trayektoriya isə Yeni Zelandiyadan Kanadanın Nyufaundlend bölgəsinə qədər geniş ərazini əhatə edir.

22 tonluq raketin idarəetmədən çıxdıqdan sonra atmosferdə bəzi hissələrinin yandığı, lakin digər hissələrinin yaşayış sahələrinə düşmə ehtimalı olduğu ifadə edilib.

Digər iddialarda isə raket 40-41 dərəcə şimal və cənub paralelləri arasındakı hər hansı əraziyə düşəcəyi deyilir. Bu paralellərdə Nyu-York, Sidney, Pekin, Madrid, İstanbul və hətta Bakı kimi şəhərlər yerləşir.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support