Ayaz Mütəllibovdan Qaragöllə bağlı açıqlama

Azərbaycanla Ermənistan arasında Laçın rayonu ərazisində yerləşən Qaragöllə bağlı mübahisələr davam edir. Ərazinin onlara məxsus olduğunu iddia edən rəsmi Yerevan Azərbaycanla sərhəd delimitasiyası və demarkasiya məsələsini beynəlxalq müstəviyə qaldırıb.

Zafer Tv xəbər verir ki, Azərbaycanın eks-prezidenti Ayaz Mütəllibov da məsələ ilə bağlı Modern.az-a danışıb.
1992-ci ilin martına qədər prezident olmuş siyasətçi Qaragölün müstəqilliyin ilk illərində Azərbaycanın nəzarətində olduğunu diqqətə çatdırıb.
“Gorusla Laçın arasındakı sərhəddə yerləşən Qaragöl əzəli Azərbaycan torpağıdır”.
O qeyd edib ki, tək Qaragöl yox, Zəngəzur mahalı, İrəvan xanlığı da Azərbaycanın əzəli torpağıdır:
“Hazırda müzakirələrə səbəb olan Qaragöl əzəli Azərbaycan torpağıdır. Ermənilər hər zamanki kimi yalan iddialar irəli sürür. Tək Qaragöl yox, eyni zamanda Zəngəzur mahalı, İrəvan bölgəsi də bizimdir. Sadəcə, biz bəzi səbəblərə görə həmin ərazilərimizi itirmişik”.
Qeyd edək ki, Azərbaycan Silahlı Qüvvələrinin bölmələri mayın 12-dən Laçınla Ermənistanın Gorus bölgəsi arasında yerləşən Qaragöl istiqamətində dövlət sərhədinin dəqiqləşdirilməsi -delimitasiya və demarkasiya işləri görməyə çalışır. Ermənistan tərəfi isə təxribat xarakterli bəyanatlar yaymaqla Azərbaycana qarşı qarayaxma kampaniyası aparır. Guya, Azərbaycanın Silahlı Qüvvələri sərhədi keçərək bir neçə kilometr məsafədə Ermənistanın ərazisinə daxil olub. İşğalçı ölkənin rəsmiləri bununla bağlı hətta Kollektiv Təhlükəsizlik Müqaviləsi Təşkilatına (KTMT) da müraciət edərək hərbi yardım istəyib.
Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support