“Azərbaycan Ermənistan dövləti ilə müharibəni başa çatdırdı, onu məğlub etdi. İndi isə savaşın ikinci mərhələsi – erməni diasporu ilə müharibə başladı”.
“Azərbaycan Ermənistan dövləti ilə müharibəni başa çatdırdı, onu məğlub etdi. İndi isə savaşın ikinci mərhələsi – erməni diasporu ilə müharibə başladı”.
Zafer Tv xəbər verir ki, bu fikirləri KONKRET.az-a açıqlamasında beynəlxalq məsələlər üzrə şərhçi Əziz Əlibəyli səsləndirib. O bildirib ki, Avropa Birliyinin qəbul etdiyi qətnamə sırf olaraq Azərbaycanın maraqlarına yönəlib: “Avropa Parlamenti bundan öncə həm ərazisinin 20 faizi işğal edilən, həm də 1 milyondan artıq qaçqın və məcburi köçkünü olan Azərbaycanın mövqelərinə yönəlik bir kəlmə də olsa, normal bəyanat verməyib. Amma indi demarkasiya və delimitasiya prosesləri başa çatmaq üzrədir. Azəbaycan tərəfi Ermənistan dövlətini müharibədə məğlub edib və faktiki olaraq ədalətin öz hərbi gücü hesabına həllinə nail olub. Hazırda isə müharibədən miras qalan problemlərin həllinə yönəlik danışıqlar prosesi gedir. Ermənistan-Azərbaycan arasındakı münasibətləri həll edəcək mənbə 10 noyabrda imzalanan razılaşma sənədidir. Bunun əsasında tərəflər münasibətləri nizama salacaqlar”.
Əlibəylinin sözlərinə görə, Avropa Parlamentinin belə bir addım atması onu göstərir ki, dünyada Ermənistan dövlətindən ayrı fəaliyyət göstərən bir erməni diasporu var: “Faktiki olaraq erməni diasporunun atdığı addımların nəticəsi idi ki, Azərbaycanın məğlub etdiyi bu ölkəni yenidən ayağa qaldırmaq və hərbi ritorika ilə dəstəkləmək, eləcə də bölgəni hərbi toqquşmaların mərkəzinə çevirməyi planlayırlar. Bu, onu göstərir ki, Azərbaycan rəsmən Ermənistan dövləti ilə müharibəni qalibiyyətlə başa çatdırıb. İndi keçib diaspora ilə savaşa. Təəssüf ki, erməni diasporunun güclü olduğu yerlərdə Azərbaycanın əleyhinə qəbul edilən qətnamələrin şahidi oluruq. İndi bizim qarşımızdakı əsas vəzifə düzgün hesab etdiyimiz yoldan dönməmək və dünyada Azərbaycan diasporunu və bütövlükdə türkləri bu məsələ üzərindən səfərbər etmək olmalıdır”.