Sülh işğalın dayanması üçündür, Krım və Donbas isə…
Ukrayna ilə Rusiya arasında sülh müqaviləsi işğal məsələsini həll edir, ayrı-ayrı məqamlar – Krım və ORDLO (Donetsk və Luqansk – red.) ölkə prezidentləri görüşəndə həll olunacaq.
Axar.az xəbər verir ki, bunu ukraynalı deputat Rüstəm Umerov deyib.
O bildirib ki, de-yure Krım Ukraynadır, faktiki olaraq işğal altındadır:
“Yarımadanın ərazisində Ukraynanın mövqeyini müdafiə edən insanlarla bağlı vəziyyət çətindir. Bəziləri artıq eskalasiya başlayandan 5-8 ildir ki, həbsxanalarda cəza çəkirlər”.
Umerovun sözlərinə görə, diplomatların başlayacağı ilk iş Krımdakı siyasi məhbusların mübadiləsidir.